Pentecoste 2022. Calendario cristiani d'occidente VENI CREATOR SPIRITUS

Veni, creator Spiritus,

mentes tuorum visita,

imple superna gratia,

quae tu creasti pectora.

Qui diceris Paraclitus,

donum Dei altissimi,

fons vivus, ignis, caritas,

et spiritalis unctio.

Tu septiformis munere,

dextrae Dei tu digitus,

tu rite promissum Patris,

sermone ditans guttura.

Accende lumen sensibus,

infunde amorem cordibus,

infirma nostri corporis

virtute firmans perpeti.

Hostem repellas longius

pacemque dones protinus;

ductore sic te praevio

vitemus omne noxium.

Per Te sciamus da Patrem

noscamus atque Filium,

te utriusque Spiritum

credamus omni tempore.

Deo Patri sit gloria,

et Filio, qui a mortuis

surrexit, ac Paraclito,

in saeculorum saecula.

Amen.

Nota

L'ultima strofa al termine dell'inno  può essere sostituita dalla seguente, a scelta:

Gloria Patri Domino,

Natoque qui a mortuis

Resurrexit, ac Paraclito

In saecolorum saecula.

Amen.

Emitte Spiritum tuum,

et creabuntur. (Tempore Paschali: Alleluia)

Et renovabis faciem terrae. (Tempore Paschali: Alleluia)

Oratio Deus, qui corda fidelium Sancti Spiritus illustratione docuisti, da nobis in eodem Spiritu recta sapere, et de eius semper consolatione gaudere.

Per Christum Dominum nostrum.

Amen.